بنى ادم مصرى

Wednesday, November 18, 2009

LeeBLaaB's BookMarx 11/19/2009

Posted from Diigo. The rest of my favorite links are here.

لهذه الاسباب ما شجعتش المنتخب " المصرى " .. بلا خيبه

من غير كلام كتيير .. ببساطه يعنى ... الماتش ده ... اتجسد فيه حال البلد كلها .. كل حاجه تخليك تقرا مصر كلها .. من ماتش كوره

اولا و بعد الهزائم المتكرره فى المواقف الرسميه .. و بعد ما الحكومه ما خلتش فى اى سبب ممكن يخلى اى حد فى البلد يفرح " غير المنتفعين " كلهم يعنى ... و كل طبالين الحكومه

يعنى ايه ماتش كوره يسفروله 28 طياره مليانه مشجعين .. طبعا من فلوسنا احنا .. و كان اولى بالفلوس دى تروح للفقرا او ضحايا القطره و العبارات و ضحايا التامين الصحى و مرضى السرطان الخ

المستفيد الاول و الاخير من الماتش و الهوجه و ليصان الشارع ... هو الحكومه اللى بعدت لاناس كلها عن اى شىء بيحصل فى البلد ... و يللا بينا نشجع مصر يا ولااااااد

يللا بينا كلنا نرفع اسم واحد بس .. خلاص كلنا بقينا وطنيين

دور حقير جدا جدا جدا لكل المثقفين ..و مذيعى البرامج .. و الممثلين و المغنيين و غيرهم فى حشد الرأى العام كله .. بل انك تفاجأ ان المدرج مليان ممثلين مشوهرين كلهم سافروا يشجعوا " المنتخب المصرى " .. و كنت اتمنى اشوف اى حد فيهم واقف جنب ضحايا العباره او قطر الصعيد او العياط .. و غرقى الهجره غير الشرعيه .. او راحوا وقفوا مع سكان الدويقه ..

طبعا مش حنتكلم عال 3 مليون اللى كل لاعب بياخدهم عالجوون ... االى هو لو الواحد فينا حلم طول عمره ما حيجيبهم .. و لو قلع و رقص عريان فى الشارع

** ** **

تعديل

طبعا نسيت اتكلم عن دور الصحافه المصريه والاعلام الحكومى و قائدها زفت الطين عمرو اديب .. اللى اتتريق على ثورة الجزاير و قال مكنووش مليون و نص شهيد .. يعنى هما كانو بيعدوا ؟؟

هكذا حولنا ماتش الكوره الى صراع مصرى جزائرى نتهكم بيه على منجزات و ثورات الشعوب .. فقط لتحيا الكره

ست سنوات على احتلال العراق .. ماذا بعد

مش حبدأ كلامى بماتش الجزاير طبعا لانى مش حهيص تبع الهوجه اللى هايصه ..

من كام يوم كده كنت قريت مقاله عن العراق .. اهدتها ليا الدكتوره مديحه الملوانى .. موضوع المقاله كان غريب جدا .. او بمعنى تانى .. كان غير المعتاد ... و اللى فهمته و طلعت منه بحاجات برضه جديده على الاقل على تفكير الواحد .. و اللى اتعود عليه فى الكام سنه اللى فاتت منذ غزو العراق مارس 2003 ... سقطت بغداد .. سقطت بلد اخر فى يد الامبرياليه العالميه .. فى غزوها و استعمارها المستمر للعالم ... حنروح بعيد شوية من 61 سنه ... سقطت فلسطين .. سقطت فلسطين فى ايدى الامبرياليه و الصهيونيه .. و باقلنا من 61 سنه .. حتى يومنا هذا .. و احنا بنتكلم عن فلسطين .. فلسطين بكل ما تحمله من معانى للاحتلال و التدمير و الخراب و الانتهاكات و المذابح الغير ادميه " على اساس ان فى مذابح ادميه .. مش موضوعنا " فلسطين بكل ما تحمله من معانى التشريد و التهجير .. و المقاومه و القتال و الاستماته البشعه فى الدفاع عن الارض و العرض و التاريخ .. هكذا تعلمنا .. هكذا تربينا .. هكذا كتب فى كتب التاريخ .. من يوم ما وعينا على وش الارض .. و احنا عارفين .. احتلال يعنى فلسطين ... عمليات مقاومه .. يعنى فلسطين ... حلمنا هو تحرير فلسطين .. نعيش من اجل فلسطين ... طيب نرجع بقى .. العراق .. اهى بقالها 6 سنين تحت الاحتلال .. 6 سنين من الهتك و القتل و الموت و الدمار و تخريب كل ماهو حى و ميت .. 6 سنين من التنكيل البشع بالعشب العراقى .. 6 سنين من المقاومه العراقيه الجباره .. اللى دلوقتى بيشبهوها بفيتنام الثانيه لامريكا .. 6 سنين من المقاومه الشعبيه المسلحه الرهيبه .. المقاومه اللى بتكبد يوميا الامريكان و غيرهم من القوات متعددة الجنسيات خساير بشعه .. المقاومه اللى بتعمل اكتر من 120 عمليه يوميا و موقفها ثابت وواضح " عكس المقاومه الفلسطينيه فى وضعها الراهن " .. بتنوع مذاهب المقاومه العراقيه .. و تنوع اصولها الطبقيه .. و كلن الواضح و الصارم فيها انها موجهه الى الاحتلال و الخونه المتعاملين معه من النظام و من ابناء الشعب .. بلا هواده على مدار 6 سنوات ... السؤال بقى .. او اللى انا عاوز اوصله .. حنستنى كمان 50 سنه عشان نبدأ نتكلم عن العراق ؟؟ بمعنى تانى ادق .. متى نرفع شعارات سياسيه مع المقاومه العراقيه . ؟؟؟ متى يتم عمل حملات من اجل انقاذ العراق من الاحتلال ؟؟ متى يتم دعم المقاومه العراقيه .. ولو بمجرد البيانات و الخطابات و المؤتمرات ؟؟ الا تكفى 6 سنين من الاحتلال الواضح البين ؟ الا تكفى اكتر من 33 منظمه مسلحه عارقيه تم اعلانهم بشكل رسمى ... الا يكفى مئات الالوف من المقاومين العراقيين الذين تعلموا كل فنون القتال المسلح و الكمائن و القنص و التفجير و القصف .. كل ده مش كفايه ؟؟ عشان نقول .. يا جمااااعه صبااح الخير ... العراق محتله ... و لازم نقف مع المقاومه هناك ... بالمناسبه .... حد فاكر افغانستان ؟ من رايى المتواضع يعنى ... هو انا طارح الموضوع اصلا كده يعنى .. كنوع من التذكير او بمعنى تانى ... كل واحد يفكر براحته يعنى .. بس الفكره .. هل ده عشان مثلا لا قدر الله .. العراق فيها شيعه ؟؟؟ هل ده عشان العراق مفيهاش مسجد اقصى ؟؟ طب افغانستان .. ؟؟ الا مش طالبان دول اللى هما اغلبيتهم مصريين فى الاصل .. و هما اللى عملوها من الصفر .. ايام ما راحوا يحاربوا الاتحاد السوفييتى " الكفره " فى افغانستان بمساعدة امريكا .. بس فى سؤال صغير جدا .. الناس اللى اياميها اعلنت الجهااد فى افغانستان من اجل نشر الاسلام و الدفاع عن " الاراضى الاسلاميه " ... ما راحوش فلسطين ليه ؟؟ طالما باب الجهاد كان مفتوح .. فى تصور تانى بالنسبه ليا .. اللى هو كالعاده .. تجنب الكلام عن امريكا .. و هنا انا بتكلم تحديدا عن كل " الاسلاميين " و اخص منهم الاخوان المسلمين .. اللى طلعوا علينا دايما بأفكار رهيبه عجيبه .. زى ما قالك قاطعوا الجبنه الدنماركى " اللى ب 120 جنيه الكيلو .. و محدش جاب سيرة قاطعوا الامريكان " بغض النظر عن مدى جدوى المقاطعه " .. ليه الناس كلها بتتكلم عن " اسرائيل " .. و محدش بيتكلم عن امريكا .. و كان لسه فى امل ان امريكا تحل الازمات .. و كأن مثلا لا سمح الله الناس مش فاهمه ان امريكا و اسرائيل وجهان لعمله واحده .. ليه الوسط السياسى تحديدا .. ما بينطقش فى وش امريكا .. هل ده متعلق بان امريكا حتقدم ضمانات " لاوساخ " السياسيين .. بضمان رقابه " نزيهه " اجنبة على الانتخابات ؟؟ مش عاوز اخش فى الموضوع من الجانب ده يعنى اوى .. بس فعلا .. العراق محتاج ان الناس تفتكره .. على الاقل فى ذكرى الاحتلال ... حد يتكلم ينطق يفكر الناس .. مش لازم 50 سنه كماان ..